No Xulgado do Contencioso-Administrativo número 1 de Santiago de Compostela tramítase o recurso 253/2020 (procedemento abreviado), de José Manuel García Leis, interposto contra a desestimación do recurso de reposición presentado contra a Resolución do 11 de febreiro de 2020, da Dirección Xeral de Recursos Humanos, pola que se fan públicos os acordos dos tribunais que xulgan o proceso selectivo para o ingreso na categoría de celador/a, convocado pola Resolución do 1 de marzo de 2018, relativos á baremación definitiva da fase de concurso e á publicación dos/das aspirantes seleccionados/as (DOG núm. 34, do 19 de febreiro).

Reclámase a epígrafe de experiencia.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado, no prazo de nove (9) días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 28 de agosto de 2020

Margarita Prado Vaamonde
Directora xeral de Recursos Humanos