Por Acordo da Xunta de Goberno Local, do 5 de xuño de 2020, aprobouse inicialmente o estudo de detalle do 3 de marzo de 2020 redactado polo arquitecto David Novo López (colexiado número 4364 COAG) que desenvolve o Plan parcial de ordenación do solo industrial na Rega-Cuíña.
De conformidade co artigo 80.2 da Lei 2/2016, do 10 de febreiro, do solo de Galicia, así como co artigo 194.2 do seu Regulamento, sométese o expediente a información pública polo prazo dun (1) mes contado desde o seguinte ao de publicación do presente anuncio no Diario Oficial de Galicia.
Durante o período de información pública, poderá examinar o estudo de detalle calquera persoa e formular as alegacións que procedan.
Así mesmo, estará á disposición na sede electrónica deste Concello (portal de transparencia, subcarpeta de expedientes en exposición pública): https://ortigueira.sedelectronica.es/transparency
Así mesmo, suspéndese o outorgamento das licenzas urbanísticas nas áreas afectadas polo estudo de detalle que coincide coa superficie das seguintes parcelas catastrais: 3350417NJ9335S0000PL, 3350416NJ9335S0000QL, 3350415NJ9335S0000GL, 3350414NJ9335S0000YL.
A duración da suspensión será dun ano e extinguirase, en calquera caso, coa aprobación definitiva do estudo de detalle.
Se, transcorrido o dito prazo, non se presentasen alegacións, o documento será elevado para a súa aprobación definitiva, se procede.
O que se fai público para xeral coñecemento e para os efectos oportunos.
Ortigueira, 14 de agosto de 2020
Juan Vicente Penabad Muras
Alcalde