Aprobado inicialmente con data do 9 de xullo de 2020 o Plan especial de infraestruturas e dotacións para instalacións deportivas do Real Club Celta de Vigo, S.A.D., de conformidade co artigo 75.1.a) da Lei 2/2016, do 10 de febreiro, do solo de Galicia, sométese a información pública polo prazo de dous (2) meses, contados desde a última das publicacións que se realicen.
Así mesmo, estará a disposición na sede electrónica do Concello de Mos [http://mos.sedelectronica.gal].
Durante o devandito prazo, poderá ser examinado por calquera interesado nas dependencias municipais, para que se formulen as alegacións que se coiden pertinentes ou obter copias.
Quedan suspendidas as licenzas en todo o ámbito do territorio afectado polo plan especial cuxas novas determinacións supoñan modificación da ordenación urbanística vixente.
A duración da suspensión será dun máximo de dous (2) anos e extinguirase en calquera caso coa aprobación definitiva do plan especial, sendo efectiva desde o día seguinte ao da publicación do acordo de aprobación inicial na última das publicacións.
Mos, 24 de xullo de 2020
Camilo Augusto Martínez
Alcalde accidental