O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro) regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro) regulan o procedemento de revisión das autorizacións ambientais integradas.
Para os efectos previstos no artigo 15.5.a do Real decreto 815/2013, do 18 de outubro, sométese a información pública, durante un período de vinte (20) días hábiles contados a partir do día seguinte ao da publicación deste anuncio no Diario Oficial de Galicia a documentación presentada polo titular para que calquera persoa interesada poida consultala e, de ser o caso, presentar dentro do citado prazo as alegacións, suxestións ou observacións que coide convenientes.
A documentación estará á disposición das persoas administradas nas dependencias da Dirección Xeral de Calidade Ambiental e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
Santiago de Compostela, 21 de xullo de 2020
María Cruz Ferreira Costa
Directora xeral de Calidade Ambiental e Cambio Climático
ANEXO
Expediente: 2019-IPPC-M-153.
Núm. da autorización ambiental integrada: 2007/0039_NAA/IPPC_129.
Categoría principal da actividade: anexo I, categoría 9.3.c, do Real decreto lexislativo 1/2016, do 16 de decembro.
Titular: Viopigs Suárez, S.L.
Dirección da instalación: Lugar dos Louros-Vións, s/n, 15318, concello de Abegondo, A Coruña (ref. da parcela 15001F508020290000OG).
Actividade principal: a explotación conta cun conxunto de naves con capacidade para 2.345 porcas nais.
Vertidos: as augas de lavado das instalacións canalízanse ás fosas de xurro, e as augas sanitarias dos aseos e vestiarios lévanse a unha fosa séptica para a súa xestión posterior conxunta co xurro. As augas pluviais incorpóranse limpas ao medio natural.
