Comunícase a todos os interesados na concentración parcelaria da zona de San Bartolomeu de Berrande (Vilardevós, Ourense), declarada de utilidade pública e urxente execución polo Decreto 247/2008, do 23 de outubro (DOG núm. 216, do 6 de novembro), o seguinte:

Primeiro. O 14 de xullo de 2020, o director xeral de Desenvolvemento Rural aprobou o acordo de concentración parcelaria da zona de San Bartolomeu de Berrande (Vilardevós, Ourense).

Segundo. O acordo de concentración seralle notificado individualmente a cada un dos afectados e estará exposto ao público no Concello de Vilardevós e na zona. Os documentos que se poden examinar no citado concello refírense aos predios de substitución onde constan as situacións xurídicas derivadas das parcelas de procedencia, as fichas de atribucións, os planos e outros.

Contra esta resolución, que non pon fin á vía administrativa, os interesados poderán interpoñer recurso de alzada, ante a persoa titular da Consellería do Medio Rural, dentro do prazo dun (1) mes, contado desde o día seguinte ao da recepción da notificación persoal ou da publicación substitutiva. Os recursos poderanse presentar na Xefatura Territorial da Consellería do Medio Rural en Ourense (Florentino L. Cuevillas, 4 e 6, baixo), nas oficinas centrais da consellería en Santiago de Compostela (San Caetano, s/n) ou en calquera das dependencias a que fai referencia a Lei 39/2015, do 1 de outubro, do procedemento administrativo común das administracións públicas.

Os planos do acordo están accesibles na internet, na páxina web da Consellería do Medio Rural, no enderezo:

https://ovmediorural.xunta.gal/gl/consultas-publicas/concentracions-parcelarias-procesos

Ourense, 30 de xullo de 2020

Yago Borrajo Sánchez
Xefe territorial de Ourense