O director xeral de Mobilidade ditou a resolución do expediente sancionador número OU-00958-O-2019 e un máis por infracción da normativa sobre transporte terrestre.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.

Infórmase de que os expedientes sancionadores se atopan ao dispor nas oficinas da Subdirección Xeral de Inspección do Transporte, situadas na praza de Europa, 5A, 2º en Santiago de Compostela.

Comunicáselles que contra a resolución sancionadora, que non é definitiva na vía administrativa, cabe recurso de alzada ante a persoa titular da Consellería de Infraestruturas e Mobilidade, no prazo dun mes contado desde o día seguinte ao da publicación deste anuncio no BOE.

En caso de conformidade coa resolución sancionadora, a persoa interesada deberá aboar a multa imposta empregando o modelo impreso que se facilitará na Subdirección Xeral de Inspección do Transporte.

No caso de non presentar recurso de alzada e non pagar a sanción imposta, procederase ao seu cobramento pola vía de constrinximento segundo o previsto na normativa vixente.

Santiago de Compostela, 21 de xullo de 2020

María Inmaculada Carril Barco
Xefa do Servizo de Informes e Recursos

ANEXO

Expediente Matrícula	DNI/CIF Persoa sancionada	Infracción cometida Data-Hora-Estrada-p.q.	Precepto cualificador	Precepto sancionador	Sanción imposta
OU-00958-O-2019 PO-0368-AJ	76984064M	A realización de transporte ao abeiro de autorizacións de transporte privado complementario de servizos que non cumpren algunha das condicións do artigo 102.2 da LOTT. 29.4.2019; 19.40; A-52; 120	Art. 140.1 LOTT Art. 197.1 ROTT	Art. 201.i) ROTT Art. 143.1 LOTT	4.001 euros
OU-01124-O-2019 PO-0368-AJ	76984064M	Realizar transporte privado de mercadorías utilizando un/unha condutor/a que carece do CAP. 29.4.2019; 19.40; A-52; 120,0	Art. 140.18 LOTT Art. 197.19 ROTT	Art. 201.h) ROTT Art. 143.1 LOTT	2.001 euros