Modificación de usos urbanísticos nas parcelas municipais: nave municipal do Senpa e parcelas S-2 e D-1 do parque empresarial.
Por acordo plenario con data do 15 de xuño de 2020 adoptouse o acordo de cambiar o uso urbanístico das seguintes parcelas municipais dotacionais en aplicación do disposto no artigo 42.5 da Lei do solo de Galicia:
Parcela nave municipal do Senpa (referencia catastral: 9615118NH8891N0001HB):
Cambio de uso específico deste equipamento de xeito que o uso dotacional xa admitido pola ordenanza de aplicación se estenda ao seguinte:
Dotacional: todos os graos.
Parcela S-2: dotacional de equipamento social. Parque empresarial (referencia catastral: 7221923NH8872S0001KF):
Elimínanse os usos admitidos de «restaurantes, bares e hoteleiro» impropios das dotacións segundo a lexislación actual, mantendo os restantes e incorporando como usos admitidos os seguintes, dos recollidos no anexo I do Decreto 143/2016 RLSG:
Servizos urbanos: aqueles que inclúen o conxunto de redes, instalacións e espazos asociados, destinados á prestación de servizos urbanísticos, como son os de captación, almacenamento, tratamento e distribución de auga, saneamento, depuración e reutilización de augas residuais, recollida, depósito e tratamento de residuos, subministración de gas, enerxía eléctrica, telecomunicacións e demais servizos esenciais ou de interese xeral (anexo I, punto 3.4.b) do RLSG).
Servizos públicos: aqueles que comprenden instalacións relacionadas con servizos públicos como protección civil, seguridade cidadá, cemiterios, prazas de abastos e outros análogos (anexo I, punto 3.4.d).6º do RLSG).
Parcela D-1: dotacional de parque deportivo. Parque empresarial (referencia catastral: 7221924NH8872S0001RF):
Mantense o uso existente propio do equipamento e incorpóranse como usos admitidos os seguintes, dos recollidos no anexo I do Decreto 143/2016 RLSG:
Servizos urbanos: aqueles que inclúen o conxunto de redes, instalacións e espazos asociados, destinados á prestación de servizos urbanísticos, como son os de captación, almacenamento, tratamento e distribución de auga, saneamento, depuración e reutilización de augas residuais, recollida, depósito e tratamento de residuos, subministración de gas, enerxía eléctrica, telecomunicacións e demais servizos esenciais ou de interese xeral (anexo I, punto 3.4.b) do RLSG).
Servizos públicos: aqueles que comprenden instalacións relacionadas con servizos públicos como protección civil, seguridade cidadá, cemiterios, prazas de abastos e outros análogos (anexo I, punto 3.4.d).6º do RLSG).
Guitiriz, 2 de xullo de 2020
Marisol Morandeira Morandeira
Alcaldesa