Este anuncio é publicado despois de intentar, sen éxito, a notificación, en papel, a través do servizo de Correos ou electronicamente, cando este último é o medio obrigatorio ou o elixido pola persoa interesada, de acordo co disposto nos artigos 41 e 42 da Lei 39/2015, do 1 de outubro, do procedemento administrativo común das administracións públicas (LPACAP), en relación co artigo 14 da mesma lei.

De conformidade co disposto no artigo 44 da LPACAP, o acto administrativo, que se indica no expediente de reclamación de danos e perdas ao dominio público viario autonómico (clave IFOO008B) (Lei 8/2013, do 28 de xuño, de estradas de Galicia; DOG núm. 132, do 12 de xullo), é notificado ás persoas relacionadas no anexo.

Segundo se establece no artigo 46 da citada lei, as ditas persoas interesadas, se desexan coñecer o contido íntegro do acto e examinar o resto da documentación, que se encontra no expediente, deberán comparecer:

No prazo de dez (10) días, que se contarán desde o día seguinte ao da publicación deste anuncio no Boletín Oficial del Estado (BOE).

Na sede deste servizo provincial, situada na rúa Vicente Ferrer, 2, 8º andar, ala norte, A Coruña, das 9.00 ás 14.00 horas, de luns a venres.

Despois de transcorrer o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado.

A eficacia deste anuncio queda supeditada á súa publicación no taboleiro de edictos único (TEU) do BOE.

O acto foi adoptado polo xefe do Servizo Provincial da AXI na Coruña.

A Coruña, 3 de xullo de 2020

Felipe de la Vega Gándaras
Xefe do Servizo Provincial da Coruña

ANEXO

Nº expediente	Persoa interesada/DNI/NIF/NIE	Acto notificado	Estrada
82/2019-CO	A47044110	Acordo de inicio	AC-552, A Coruña-Cee
124/2019-CO	B15962467	Acordo de inicio	AC-162, Sada-Bergondo
132/2019-CO	B15370612	Acordo de inicio	AG-64, Ferrol-Vilalba
133/2019-CO	32547443M	Resolución	AC-116, Catabois-Valdoviño
42/2020-CO	45870464T	Acordo de inicio	AC-453, Roxos-Portomouro