A persoa titular do Servizo de Mobilidade de Pontevedra acordou a incoación do expediente sancionador PO-00289-O-2020 e de tres máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles os acordos de incoación ditados ás persoas interesadas.

Son informadas de que os expedientes sancionadores están á súa disposición nas oficinas do Servizo de Mobilidade da Xefatura Territorial de Pontevedra.

Outorgáselles un prazo quince (15) días hábiles, contado desde o día seguinte ao da publicación deste anuncio no BOE, para alegaren o que consideren conveniente e presentaren ou propoñeren as probas que consideren oportunas.

No suposto de que decidan voluntariamente pagar a sanción antes de que transcorran trinta (30) días contados desde o seguinte ao da publicación deste anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Pontevedra, 2 de xullo de 2020

José Jorge Martínez Fernández
Xefe do Servizo de Mobilidade de Pontevedra

anexo

Expediente Matrícula	DNI/CIF denunciado	Infracción denunciada Data-hora-estrada-p.q.	Precepto cualificador	Precepto sancionador	Sanción proposta
PO-00289-O-2020 PO-0368-AJ	76984064M	O inadecuado funcionamento, imputable ao/á transportista, do tacógrafo ou dalgún dos seus elementos. 28.11.2019; 10.16.00; AP-9; 137,542	Art. 140.33 LOTT Art. 197.38 ROTT	Art. 143.1 LOTT Art. 201.g) ROTT	1.001 euros
PO-00290-O-2020 PO-0368-AJ	76984064M	Utilizar a tarxeta doutro/a condutor/a ou unha folla de rexistro con nome ou apelido diferentes aos do/da condutor/a. 28.11.2019; 10.16.00; AP-9; 137,542	Art. 197.24 ROTT Art. 140.22 LOTT	Art. 143.1 LOTT Art. 201.h) ROTT	2.001 euros
PO-00292-O-2020 PO-0368-AJ	76984064M	Realizar transporte público de mercadorías carecendo de título habilitante. 28.11.2019; 10.16.00; AP-9; 137,542	Art. 140.1 LOTT Art. 197.1 ROTT	Art. 143.1 LOTT Art. 201.i) ROTT	4.001 euros
PO-00294-O-2020 PO-0368-AJ	76984064M	Realizar transporte público de mercadorías utilizando un/unha condutor/a que carece do CAP. 28.11.2019; 10.16.00; AP-9; 137,542	Art. 140.18 LOTT Art. 197.19 ROTT	Art. 143.1 LOTT Art. 201.h) ROTT	2.001 euros