Unha vez obtida a verificación do plan de estudos polo Consello de Universidades, logo do informe favorable da Axencia para a Calidade do Sistema Universitario de Galicia, así como a autorización da Comunidade Autónoma de Galicia, e establecido o carácter oficial do título por Acordo do Consello de Ministros do 29 de novembro de 2019 (publicado no BOE do 17 de decembro, mediante a Resolución da Secretaría Xeral de Universidades do 3 de decembro de 2019), esta reitoría, de conformidade co disposto no artigo 35 da Lei orgánica 6/2001, de universidades, na redacción dada pola Lei orgánica 4/2007, resolve publicar o plan de estudos conducente á obtención do título oficial de máster universitario en Ciencias da Visión pola Universidade Complutense de Madrid, a Universidade de Alcalá, a Universidade de Murcia, a Universidade de Santiago de Compostela e a Universidade de Valladolid.
Santiago de Compostela, 1 de xullo de 2020
Antonio López Díaz
Reitor da Universidade de Santiago de Compostela
ANEXO
Máster universitario en Ciencias da Visión
Código RUCT: 4316947.
Rama de coñecemento: ciencias da saúde.
Universidades participantes: a Universidade Complutense de Madrid, a Universidade de Alcalá, a Universidade de Murcia, a Universidade de Santiago de Compostela e a Universidade de Valladolid (coordinadora).
Modalidade de impartición: presencial.
Cadro 1. Distribución de créditos ECTS segundo o tipo de materia.
|
Tipo de materia |
Créditos ECTS |
|
Obrigatorias |
6 |
|
Optativas |
24 |
|
Traballo fin de máster |
30 |
|
Créditos totais |
60 |
Cadro 2. Plan de estudos do máster.
|
Materia |
Carácter |
Créditos |
Módulo |
|
M1. Fundamentos da visión |
6 |
Obrigatorio |
Cuadrimestral |
|
Especialidade I en Técnicas en investigación e diagnóstico en ciencias da visión |
|||
|
M2. Metodoloxías de investigación e diagnóstico en ciencias da visión |
30 |
Optativo |
Cuadrimestral |
|
Especialidade II en Enfermidades do aparello visual |
|||
|
M3. Biomédica-clínica |
33 |
Optativo |
Cuadrimestral |
|
Especialidade III en Óptica visual ou fisiolóxica |
|||
|
M4. Física-óptica |
18 |
Optativo |
Cuadrimestral |
|
Especialidade IV en Neurofisioloxía da visión |
|||
|
M5. Neurofisioloxía do sistema visual |
15 |
Optativo |
Cuadrimestral |
|
M6. Traballo fin de máster |
30 |
Obrigatorio |
Anual |
Especialidades:
En caso de optar a unha especialidade, o alumno elixirá un mínimo de 12 ECTS dentro do módulo de especialidade correspondente e poderá escoller o resto de disciplinas ata completar 24 ECTS entre todas as ofertadas. O alumno obterá a titulación do máster en Investigación en Ciencias da Visión sen especialidade se selecciona 24 créditos optativos entre os ofertados en todos os módulos de especialidade sen chegar ao mínimo de 12 ECTS en ningún deles.
Organización de disciplinas:
Por razóns de índole organizativa, a Universidade de Santiago de Compostela reservará para si a posibilidade de variar a relación de disciplinas optativas, así como a de non ofertar algunha delas.
Para ampliar información verbo deste plan de estudos, pódese consultar a páxina web da Universidade de Santiago de Compostela: http://www.usc.es
