Ante este xurado provincial de montes veciñais en man común tramítase o expediente de clasificación do monte coas seguintes características:

– Expediente: 2/2019.

– Denominación: Sampaio de Acedre (ampliación).

– Concello: Pantón.

– Comunidade propietaria: veciños/as da parroquia de Acedre.

– Superficie: 1,54 hectáreas.

Na seguinte táboa indícase a referencia catastral da parcela obxecto de clasificación, así como das súas estremeiras. O plano que figura no anexo, ao final deste anuncio, facilita a súa localización.

Parcela obxecto de clasificación	Concello	Parcelas estremeiras
27041A058009640000AF	Pantón	Norte	27041A05809005 27041A05800270
		Leste	27041A05800160 27041A05800161 27041A05800163 27041A05800165 27041A05800953 27041A05800171 27041A05800173 27041A05800174 27041A05800179
		Sur	27041A05800939 27041A05800269
		Oeste	27041A05800268 27041A05800266 27041A05800261 27041A05800262 27041A05800265

En virtude do acordado polo Xurado na sesión do 27.3.2019, e en cumprimento da orde do instrutor, conforme o disposto na Lei 13/1989, do 10 de outubro, de montes veciñais en man común, por este anuncio faise pública a iniciación do expediente para a posible clasificación do monte indicado.

Ábrese un período dun mes, contado desde o día seguinte ao da súa publicación no Diario Oficial de Galicia, para que os interesados poidan intervir no expediente e formular as alegacións que coiden oportunas, así como achegar os documentos ou informacións que xulguen convenientes, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Lugo, 29 de xuño de 2020

Mª Olga Iglesias Fontal
Presidenta do Xurado Provincial de Montes
Veciñais en Man Común de Lugo

anexo