O Pleno corporativo do Concello do Porriño, en sesión ordinaria do 27 de maio de 2020, acordou aprobar inicialmente a modificación puntual do PXOM para modificación das alturas nos solos urbanos de uso industrial no termo municipal, co seguinte contido:
«1º. Aprobar inicialmente a modificación puntual do PXOM para modificacións de alturas nos solos urbanos de uso industrial no termo municipal.
2º. Someter o expediente a exposición pública durante un prazo de dous (2) meses mediante publicación no DOG, nun dos xornais de maior difusión da provincia e no taboleiro de edictos do concello.
3º. Dar traslado do expediente ao servizo provincial de Urbanismo en cumprimento do disposto no artigo 60.7 da Lei 2/2016, do solo de Galicia, para os efectos de dar audiencia aos municipios limítrofes e solicitar as preceptivas consultas e informes sectoriais autonómicos preceptivos.
4º. Solicitar informe sectorial da Dirección Xeral de Aviación Civil do Ministerio de Fomento».
De conformidade co disposto no artigo 60.6 da Lei 2/2016, do solo de Galicia, sométese o expediente a información pública durante o prazo de dous (2) meses mediante publicación no Diario Oficial de Galicia, no taboleiro de edictos do Concello e nun dos periódicos de maior difusión da provincia.
O que se fai público para os efectos do sometemento do expediente a información pública durante o prazo de dous (2) meses.
O Porriño, 8 de xuño de 2020
Pedro Pereira Fernández
Alcalde accidental