Advertidos erros na dita resolución, publicada no Diario Oficial de Galicia número 90, do 11 de maio de 2020, cómpre facer as seguintes correccións:

– No punto sexto, onde di: «4. A dirección e coordinación dos procesos para a elaboración das guías docentes no marco do Espazo Europeo de Educación Superior (EEES). 5. A supervisión da Escola de Doutoramento Internacional da USC (EDIUS) e do Centro de Estudos Propios (CEP). 6. A expedición e sinatura de diplomas e acreditacións dos estudos propios. 7. A promoción de accións orientadas a mellorar a proxección internacional da oferta docente, en coordinación coa Vicerreitoría de Estudantes e Proxección Internacional».; debe dicir: «4. A supervisión da Escola de Doutoramento Internacional da USC (EDIUS) e do Centro de Estudos Propios (CEP). 5. A promoción de accións orientadas a mellorar a proxección internacional da oferta docente, en coordinación coa Vicerreitoría de Estudantes e Proxección Internacional».

– No punto oitavo, onde di: «13. A coordinación das accións relacionadas co asociacionismo estudantil, así como a convocatoria e resolución das axudas a este. 14. A xestión do seguro escola».; debe dicir: «13. A coordinación das accións relacionadas co asociacionismo estudantil así como a convocatoria e resolución das axudas a este».

– No punto noveno, onde di: «10. A supervisión do Centro de Linguas Modernas (CLM)».; debe dicir: «10. A supervisión do Centro de Linguas Modernas (CLM). 11. A dirección e coordinación dos procesos para a elaboración das guías docentes no marco do Espazo Europeo de Educación Superior (EEES)».

– No punto décimo terceiro, onde di: «13. O impulso e a coordinación de actuacións en materia de administración electrónica/dixital».; debe dicir: «13. O impulso e a coordinación de actuacións en materia de administración electrónica/dixital. 14. A xestión do seguro escolar».

– No punto IV, onde di: «IV. Delegación en favor dos/das xefes/as de área, servizo e outras unidades administrativas en materia de permisos do persoal de Administración e servizos».; debe dicir: «IV. Delegación en favor dos/das xefes/as de área, servizo e outras unidades organizativas en materia de permisos do persoal de Administración e servizos».

– No punto décimo noveno, onde di: «1. Por falecemento, por accidente ou enfermidade grave dun familiar».; debe dicir: «1. Por falecemento, por accidente, por enfermidade grave ou hospitalización dun familiar».

– No punto vixésimo, onde di: «Os/as xefes/as das unidades terán a obriga de informar sobre os permisos concedidos sempre que así o requira a Xerencia».; debe dicir: «Os/as xefes/as das unidades terán a obriga de informar sobre os permisos concedidos sempre que así o requira a Xerencia. Os responsables das unidades de xestión de centro e departamentos informarán ademais á dirección do centro e á dirección do departamento correspondente».

– No punto vixésimo cuarto, punto 9, onde di: «a) O seu nomeamento ou sinatura do contrato. b) A autorización dos cesamentos e xubilacións».; debe dicir: «a) O seu nomeamento ou sinatura do contrato. b) A autorización dos cesamentos e xubilacións. c) A convocatoria de concursos de acceso e de probas selectivas».