Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:
Solicitante: Eléctrica de Moscoso, S.L.
Domicilio social: avenida do Concello, 21, 36830 A Lama.
Denominación: LMTS, CT Xesta II.
Situación: A Lama.
Caracterísiticas técnicas: LMT soterrada en dobre circuíto a 20 kV de 1.075 metros de lonxitude, con orixe no paso aerosubterráneo proxectado e final nun segundo paso aero subterráneo proxectado. Centro de transformación, con relación a 100 kVA con dúas celas de liña e unha cela de protección. As instalacións están situadas na parroquia de Xesta, no concello da Lama (Pontevedra).
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presentar as súas alegacións ante esta xefatura territorial, avenida María Victoria Moreno, 43, 36003 Pontevedra, no prazo máximo de trinta días a partir da última publicación ou notificación individual.
O proxecto encóntrase ao dispor do público para a súa consulta no portal da Consellería de Economía, Emprego e Industria (http://ceei.xunta.gal/transparencia/documentos-sometidos-a-informacion-publica).
Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
Pontevedra, 4 de xuño de 2020
Ignacio Rial Santomé
Xefe territorial de Pontevedra
ANEXO
Relación de bens e dereitos afectados
Nº de expediente: IN407A 2020/086-4. Termo municipal: A Lama (Pontevedra).
Denominación: LMTS, CT Xesta II.
Parcela 1:
Titular: CMVMC Xesta.
Referencia catastral: 36025A036010890000GY.
Lugar: Monte.
Cultivo: matogueira.
Afección: 46 m2 para apoio e 30 m2 para servidume.