Para os efectos previstos na Lei 24/2013, do 26 de decembro, do sector eléctrico e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita, da instalación eléctrica que se describe:
Solicitante: UFD Distribución Electricidad, S.A.
Domicilio social: travesía de Vigo, 204.
Denominación: reforma da LMT GON805.
Situación: Nigrán.
Descricións técnicas: LMT aérea a 20 kV con condutor tipo LA-56 de 280 metros de lonxitude, con orixe no apoio proxectado tipo C-1000/16 e final no apoio existente CH-1600/11. As instalacións están situadas no lugar de Sidral-Camos, na parroquia de Camos, no concello de Nigrán (Pontevedra).
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presentar as súas alegacións ante esta xefatura territorial, avenida María Victoria Moreno, nº 43, 36003 Pontevedra, no prazo máximo de trinta (30) días, a partir da última publicación ou notificación individual.
O proxecto encóntrase dispoñible ao público para a súa consulta no portal da Consellería de Economía Emprego e Industria (http://ceei.xunta.gal/transparencia/documentos-sometidos-a-informacion-publica).
Durante o dito período calquera persoa poderá achegar por escrito os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
Pontevedra, 4 de xuño de 2020
Ignacio Rial Santomé
Xefe territorial de Pontevedra
ANEXO
Relación de bens e dereitos afectados
Nº de expediente: IN407A 2020/061-4.
Termo municipal: Nigrán (Pontevedra).
Denominación: reforma da LMT GON805.
Parcela 1:
Titular: descoñecido.
Referencia catastral: 54035A027001740000HF.
Polígono: 27.
Parcela: 174.
Lugar: Marín.
Cultivo: agrario.
Afección: 1,69 m² para apoio.
Parcela 2:
Titular: descoñecido.
Referencia catastral: 54035A027002510000HE.
Polígono: 27.
Parcela: 251.
Lugar: Rial.
Cultivo: agrario.
Afección: 1,69 m² para apoio.
