Para os efectos previstos na Lei 24/2013, do 26 de decembro, do sector eléctrico e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:
Solicitante: UFD Distribución Electricidad, S.A.
Domicilio social: travesía de Vigo, 204.
Denominación: LMTS CTC RBTS Baredo.
Situación: Baiona.
Características técnicas: LMT subterránea a 20 kV con condutor RHZ de 180 metros de lonxitude, con orixe na RSMT GON815 entre RAMT e o CT Caneiro-Baredo e final no CT proxectado Baredo. Centro de transformación con relación 2000/400 V a 400 kVA. As instalacións están situadas no concello de Baiona (Pontevedra).
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presentar as súas alegacións ante esta xefatura territorial, avenida María Victoria Moreno, 43, 36003 Pontevedra, no prazo máximo de trinta (30) días, a partir da última publicación ou notificación individual.
O proxecto encóntrase dispoñible ao público para a súa consulta no portal da Consellería de Economía Emprego e Industria (http://ceei.xunta.gal/transparencia/documentos-sometidos-a-informacion-publica).
Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
Pontevedra, 3 de xuño de 2020
Ignacio Rial Santomé
Xefe territorial de Pontevedra
ANEXO
Relación de bens e dereitos afectados
Nº expediente: IN407A 2020/013-4.
Termo municipal: Baiona (Pontevedra).
Denominación: LMTS CTC RBTS Baredo.
Parcela 1:
Titular: Domingo Durán Barreiro.
Referencia catastral: 54003A010001830000HL.
Lugar: Cancelo.
Cultivo: agrario.
Afección: 16,81 m² para centro de transformación.
