O Pleno Municipal de Cambre, na súa sesión ordinaria do 30 de xaneiro de 2020, acordou aprobar inicialmente a modificación puntual das normas subsidiarias do planeamento de Cambre referente á localización de diversas edificacións e actividades, redactada polo arquitecto Alfonso Díaz Revilla da Oficina de Planeamiento, S.A., o que se fai público para xeral coñecemento.

Tanto este instrumento de planeamento como o seu expediente sométense á información pública durante o prazo de dous meses, mediante anuncios no Diario Oficial de Galicia e nun dos xornais de maior difusión da provincia, de conformidade co artigo 60.6 da Lei 2/2016, do solo de Galicia.

Durante o citado prazo, contado a partir do día seguinte ao de publicación deste anuncio no Diario Oficial de Galicia, poderanse formular as alegacións que se consideren pertinentes.

O expediente poderá ser consultado nas oficinas da Área de Urbanismo deste concello, de luns a venres, das 9.00 ás 14.00 horas.

Cambre, 9 de marzo de 2020

O alcalde
P.D. (R.A. núm. 1323/2019, do 1 de xullo)
Juan González Leirós
Concelleiro delegado da Área de Urbanismo e Obras