Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita, da instalación eléctrica que se describe:
Solicitante: UFD Distribución Electricidad, S.A.
Domicilio social: travesía de Vigo, 204.
Denominación: LMT, CTC Montalbo II.
Situación: Sanxenxo.
Características técnicas: LMT subterránea a 20 kV con condutor tipo RHZ1 de 27 metros de lonxitude, con orixe no apoio existente CH-630/11 e final no CT proxectado. CT con relación 20.000/400 V a 160 kVA. As instalacións están situadas no lugar de Montalbo, parroquia de Arra, no concello de Sanxenxo (Pontevedra).
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presentar as súas alegacións a esta xefatura territorial, avenida María Victoria Moreno, 43, 36003 Pontevedra, no prazo máximo de trinta (30) días a partir da última publicación ou notificación individual.
O proxecto encóntrase ao dispor do público para a súa consulta no portal da Consellería de Economía, Emprego e Industria (http://ceei.xunta.gal/transparencia/documentos-sometidos-a-informacion-publica).
Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
Pontevedra, 2 de xuño de 2020
Ignacio Rial Santomé
Xefe territorial de Pontevedra
ANEXO
Relación de bens e dereitos afectados
Nº expediente: IN407A 2019/089-4. Termo municipal: Sanxenxo (Pontevedra).
Denominación: LMT, CTC Montalbo II.
Parcela 1:
Titular: CMVMC Montalbo-Arra.
Referencia catastral: 36051A009004550000FT.
Polígono: 9.
Parcela: 455.
Lugar: Os Erros.
Cultivo: agrario (matogueira).
Afección: 16,79 m2 para apoio.
Parcela 2:
Titular: CMVMC Montalbo-Arra.
Referencia catastral: 36051A009005670000FZ.
Polígono: 9.
Parcela: 567.
Lugar: Cudican.
Cultivo: agrario (pastos).
Afección: 12,96 m2 para CT e 7,4 m2 para canalización.