Eu, María Iria Román Vidarte, letrada da Administración de xustiza do Xulgado do Social número 3 de Santiago de Compostela, fago saber que no procedemento de execución de títulos xudiciais núm. 53/2020 deste xulgado do social, seguido por instancia de Alejandro Davila Alonso contra Bean Algo, S.L. e o Fondo de Garantía Salarial (Fogasa) sobre reclamación de cantidade, foron ditados auto e decreto do 2.6.2020, cuxas partes dispositivas son do teor literal seguinte:
Parte dispositiva do auto:
«Parte dispositiva:
Dispoño: despachar orde xeral de execución a favor da parte executante, Alejandro Davila Alonso, contra Bean Algo, S.L., parte executada, polo importe de 2.209,4 euros en concepto de principal (1.867,17 euros de principal máis 342,23 euros en concepto de xuros de demora do artigo 29.3 do ET), máis 220,94 euros que se fixan provisoriamente en concepto de xuros que, se for o caso, se poidan producir durante a execución e as custas desta, sen prexuízo da súa posterior liquidación.
O presente auto, xunto co decreto que ditará o/a letrado/a da Administración de xustiza, e copia da demanda executiva, serán notificados simultaneamente á parte executada, tal e como dispón o artigo 553 da LAC, co cal a executada fica apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderase interpor recurso de reposición, ante este órgano xudicial, no prazo dos tres días hábiles seguintes á súa notificación, no cal, ademais de alegar as posibles infraccións en que puido incorrer a resolución e o cumprimento ou incumprimento dos presupostos e requisitos procesuais exixidos, poderá deducirse a oposición á execución despachada aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que tiveren acontecido con posterioridade á constitución do título e sen que a compensación de débedas sexa admisible como causa de oposición á execución.
Se o recorrente non tiver a condición de traballador ou beneficiario do réxime público de Seguridade Social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta no Banco Santander, conta nº 5076 0000 64 0053 20. Se o ingreso se fixer mediante transferencia bancaria, deberase ingresar na conta número ES55 0049 3569 9200 0500 1274, e no campo “concepto” deberase indicar o número de conta “5076 0000 64 0053 20”. Se efectuar diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución impugnada co formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A maxistrada xuíza. A letrada da Administración de xustiza».
E a parte dispositiva do decreto:
«Parte dispositiva:
Para dar efectividade ás medidas concretas solicitadas, acordo:
– Líbrese exhorto ao Xulgado do Social número 1 de Santiago de Compostela, a de que se remita testemuño do decreto pronunciado na ETX 174/2018 do dito xulgado e polo que se declara a insolvencia da empresa Bean Algo, S.L., co fin de unilo aos presentes autos.
Notifíquese ás partes facéndolles saber que, en aplicación do mandado contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se for o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas en canto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou semellante, sempre que estes últimos estean a ser utilizados como instrumentos de comunicación co tribunal.
Modo de impugnación. Contra a presente resolución cabe recurso directo de revisión que se deberá interpor ante o presente órgano xudicial no prazo de tres días hábiles. Se o recorrente non tiver a condición de traballador ou beneficiario do réxime público de Seguridade Social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta no Banco Santander, conta nº 5076 0000 64 0053 20. Se o ingreso se fixer mediante transferencia bancaria, deberase ingresar na conta número ES 55 0049 3569 9200 0500 1274, e no campo “concepto” deberase indicar o número de conta “5076 0000 64 0053 20”. Se efectuar diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución impugnada co formato dd/mm/aaaa. Quedan exentos do seu aboamento en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acordo e o asino. Dou fe.
A letrada da Administración de xustiza».
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Bean Algo, S.L., expido este edicto.
Santiago de Compostela, 2 de xuño de 2020
A letrada da Administración de xustiza
