O Decreto 67/2020, do 12 de marzo, publicado no Diario Oficial de Galicia núm. 84, do 4 de maio, crea o colexio de educación infantil e primaria Novo Mesoiro, no concello da Coruña.
En consecuencia, de conformidade co establecido no artigo 16.1.b) do Decreto 138/2018, do 8 de novembro, polo que se establece a estrutura orgánica da Consellería de Educación, Universidade e Formación Profesional (DOG núm. 219, do 16 de novembro), a competencia para elaborar propostas de creación, supresión, transformación, clasificación, autorización e organización dos centros escolares de titularidade pública corresponde á consellería competente en materia de educación, concretamente á Dirección Xeral de Centros e Recursos Humanos,
DISPOÑO:
Artigo único
Autorizar a posta en funcionamento do centro identificado cos datos que figuran a seguir:
Provincia: A Coruña.
Concello: A Coruña.
Localidade: A Coruña.
Código postal: 15190.
Enderezo: rúa Fragas do Eume, s/n.
Código do centro: 15033228.
Denominación: Colexio de Educación Infantil e Primaria Novo Mesoiro.
Unidades: 6 de educación infantil e 12 de educación primaria.
Disposición derradeira primeira
Autorízase a persoa titular da Dirección Xeral de Centros e Recursos Humanos para adoptar todos os actos e medidas necesarias para aplicar esta orde.
Disposición derradeira segunda
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 4 de xuño de 2020
Carmen Pomar Tojo
Conselleira de Educación, Universidade e Formación Profesional