De conformidade co disposto no artigo 15 da Lei 1/2016, do 18 de xaneiro, de transparencia e bo goberno, cada consellería ou entidade debe remitir para a súa publicación no Diario Oficial de Galicia, dentro dos primeiros vinte días dos meses de xaneiro, maio e setembro de cada ano, unha relación dos convenios subscritos referida ao cuadrimestre anterior.
En virtude da Resolución do 25 de setembro de 2019 (DOG núm. 191, do 8 de outubro) a Agader publicou os convenios de colaboración que asinou no segundo cuadrimestre de 2019.
O 13 de maio de 2019 a Agader asinou un convenio co organismo autónomo Instituto de Estudos do Territorio e coa Fundación Galicia Sustentable que non foi incluído na relación publicada o 25 de setembro de 2019.
En consecuencia, e co fin de cumprir co disposto no artigo 15 da Lei 1/2016, do 18 de xaneiro, de transparencia e bo goberno, modifícase a Resolución do 25 de setembro de 2019 de xeito que se engada á relación de convenios do segundo cuadrimestre de 2019 o convenio de colaboración que figura no anexo.
Santiago de Compostela, 4 de xuño de 2020
Miguel Ángel Pérez Dubois
Director xeral da Axencia Galega de Desenvolvemento Rural
ANEXO
Asinantes |
Obxecto |
Data de sinatura |
Achega |
Convenio de colaboración entre a Axencia Turismo de Galicia, o organismo autónomo Instituto de Estudos do Territorio, a Axencia Galega de Desenvolvemento Rural e a Fundación Galicia Sustentable |
Establecer as condicións de colaboración entre as partes para desenvolver o proxecto Senda dos faros |
13.5.2019 |
80.000 € |