A Xunta Arbitral de Transportes de Galicia, instrumento de protección e defensa das partes que interveñen na actividade de transporte, creouse, no marco da Lei 16/1987, do 30 de xullo, de ordenación dos transportes terrestres, pola Orde da Consellería de Ordenación do Territorio e Obras Públicas do 9 de outubro de 1991 (DOG núm. 232, do 23 de outubro).

A súa actual composición vén determinada pola resolución desta dirección xeral, do 4 de xuño de 2019, pola que se establece a composición da Xunta Arbitral de Transportes de Galicia (DOG núm. 110, do 12 de xuño), que foi modificada polas resolucións do 9 e 22 de outubro de 2019 (DOG núm. 197, do 16 de outubro, e núm. 209, do 4 de novembro, respectivamente).

O Consello Galego de Consumidores e Usuarios de Galicia comunicou á Secretaría da Xunta Arbitral a substitución da vogal suplente que formará parte da Xunta Arbitral.

De conformidade co exposto,

RESOLVO:

Primeiro. Modificar o punto 2.5.2 da Resolución da Dirección Xeral de Mobilidade do 4 de xuño de 2019, pola que se establece a composición da Xunta Arbitral de Transportes de Galicia, relativo á suplencia da representación das persoas consumidoras e usuarias, que pasa a ter a seguinte redacción:

«2.5.2. Suplente:

– Yolanda Pérez Rivera».

Segundo. A modificación anterior entenderase vixente e aplicable a partir da publicación desta resolución no Diario Oficial de Galicia.

Santiago de Compostela, 18 de maio de 2020

Ignacio Maestro Saavedra
Director xeral de Mobilidade