Visto o expediente instruído para efectos de transmisión mortis causa da batea C.M.C. IV e da concesión administrativa que a ampara, resulta:

Antecedentes:

Primeiro. O 2 de maio de 2012, María Elena Dieste Pérez, en representación da comunidade de herdeiros de José Mariño Vázquez, solicitou autorización para a transmisión das bateas C.M.C. IV e Juan XV, e tramitáronse os expedientes de transmisión mortis causa das concesións administrativas e das mencionadas bateas. En ausencia de testamento e para os efectos da identificación das persoas con dereitos hereditarios, a interesada achegou declaración de herdeiros ab intestato do causante.

Segundo. Mediante a Orde do 28 de maio de 2012 (DOG núm. 143, do 27 de xullo) autorizouse a transmisión mortis causa das devanditas bateas e das concesións administrativas a favor de María Elena Dieste Pérez (***2032**), María de las Mercedes Mariño Dieste (***3667**) e José Mariño Dieste (***6682**).

Terceiro. Mediante o Decreto 301/2019 do Xulgado de Primeira Instancia e Instrución número 3 de Ribeira, do 23 de setembro de 2019, relativo á liquidación da sociedade de gananciais e liquidación e división da herdanza 159/2013, acordouse adxudicar a María Elena Dieste Pérez a batea C.M.C. IV.

Cuarto. Na escritura pública número 2012 de protocolización de operacións particionais aprobadas xudicialmente, formalizada o 18 de novembro de 2019 ante o notario de Boiro, José Prieto Luengo, outorgouse a María Elena Dieste Pérez a titularidade da batea C.M.C. IV.

Quinto. O 18 de decembro de 2019, María Elena Dieste Pérez solicitou autorización para a transmisión mortis causa da concesión administrativa e da batea C.M.C. IV.

Sexto. A solicitante presenta toda a documentación requirida para a tramitación deste tipo de procedementos.

Sétimo. Os informes do Servizo de Protección dos Recursos sobre as características da batea e da Dirección Xeral de Pesca, Acuicultura e Innovación Tecnolóxica sobre a tramitación do expediente son favorables.

B) Consideracións legais e técnicas:

Primeira. Este órgano é competente para resolver o expediente consonte a Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), coas especialidades previstas no Decreto 406/1996, do 7 de novembro, polo que se aproba o regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG núm. 126, do 2 de xullo).

Vistas as disposicións citadas, esta consellería

RESOLVE:

Primeiro. Revogar e deixar sen efecto a Orde do 28 de maio de 2012 pola que se autoriza a transmisión mortis causa da concesión administrativa e da batea C.M.C. IV.

Segundo. Autorizar a transmisión mortis causa a favor de Mª Elena Dieste Pérez (***2032**) da concesión administrativa e da batea que se indica a continuación:

Identificación:

Tipo: batea.

Nome: C.M.C. IV.

Localización:

Cuadrícula nº 6.

Polígono: C.

Distrito: Caramiñal (A Coruña).

Especie autorizada: mexillón (Mytilus galloprovincialis).

Título habilitante: concesión administrativa.

Orde de outorgamento: 2.11.1968.

Remate da vixencia: 15.12.2029

Antigos titulares: Mª Elena Dieste Pérez (***2032**), José Mariño Dieste (***6682**) e María de las Mercedes Mariño Dieste (***3667**).

Nova titular: Mª Elena Dieste Pérez (***2032**).

A nova titular da concesión queda subrogada nos dereitos e nas obrigas dos anteriores titulares.

Contra a presente orde, que esgota a vía administrativa, poderá interpoñerse recurso potestativo de reposición no prazo dun mes ante a conselleira do Mar, ou recurso contencioso-administrativo ante a xurisdición contencioso-administrativa no prazo de dous meses, que comezarán a contar en ambos os casos desde o día seguinte ao da súa publicación, conforme os artigos 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Este prazo comezará a contar desde o día seguinte a aquel en que perda vixencia o Real decreto 463/2020, do 14 de marzo, polo que se declara o estado de alarma para a xestión da crise sanitaria ocasionada polo COVID-19, e, se é o caso, as súas prórrogas, contados en ambos os casos desde o día seguinte ao da súa publicación.

A Coruña, 24 de abril de 2020

A conselleira do Mar
P.D. (Orde do 8.9.2017)
O xefe territorial da Coruña
P.D. (Resolución do 6.11.2019)
Mª José Cancelo Baquero
Xefa do Servizo de Recursos Mariños