Para os efectos previstos no artigo 36 da Lei 21/2013, do 9 de decembro, de avaliación de impacto ambiental, no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras, e no artigo 23 da Lei 3/2008, do 23 de maio, de ordenación da minaría de Galicia, esta xefatura territorial

RESOLVE:

Someter a información pública, durante un prazo de trinta (30) días hábiles contados desde o seguinte ao da publicación deste anuncio, a actualización do proxecto de explotación Sonia número 5644, situada no termo municipal de Mañón (A Coruña), promovido pola sociedade Cuarzos Industriales, S.A.

Durante o prazo indicado, aquelas persoas ou entidades que se consideren afectadas polo citado proxecto poderán examinar o expediente nas dependencias da Sección de Minas da Xefatura Territorial da Consellería de Economía, Emprego e Industria da Coruña, Edificio Administrativo Monelos, 2ª planta, rúa Vicente Ferrer, número 2, 15071 A Coruña, ou no portal da dita consellería:

https://ceei.xunta.gal/transparencia/informacion-publica/en-tramitacion/explotacions-mineiras e formular as súas alegacións por escrito ante este órgano administrativo, presentándoas en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.

Transcorrido o período de información pública, proseguirase coa tramitación da avaliación de impacto ambiental ordinaria prevista na Lei 21/2013, do 9 de decembro, a que está sometido o presente proxecto, cuxa autorización compete, como órgano substantivo, á Consellería de Economía, Emprego e Industria, ao abeiro do establecido na Lei 3/2008, do 23 de maio.

A Coruña, 24 de xaneiro de 2020

Isidoro Martínez Arca
Xefe territorial da Coruña