Expediente: IN407A 2019/149-1.

Promotora: UFD Distribución Electricidad, S.A.

Denominación da instalación: recuamento LMT, CTI, RBT, parcela 21, polígono de Sabón.

Concello: Arteixo.

Feitos:

1. O 14 de agosto de 2019, a promotora solicitou a autorización administrativa previa e a autorización administrativa de construción do proxecto de execución da instalación de distribución eléctrica indicada.

2. O proxecto non se someteu ao trámite de información pública, segundo o artigo 38 da Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

3. Solicitouse o preceptivo informe ás distintas administracións, organismos ou, de ser o caso, empresas de servizo público ou de servizos de interese xeral afectados. A promotora manifestou a súa conformidade cos condicionados establecidos.

4. Os servizos técnicos da xefatura territorial emitiron informe favorable sobre a dita solicitude.

Consideracións legais e técnicas:

1. A Lei 24/2013, do 26 de decembro, do sector eléctrico.

2. O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

3. O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

4. O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

5. O Real decreto 842/2002, do 2 de agosto, polo que se aproba o Regulamento electrotécnico para baixa tensión.

6. A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

7. As características técnicas da instalación son as seguintes:

Tramo liña de media tensión aérea SBN15A (actuación nº 1), a 15 kV, cunha lonxitude de 41 m, con orixe no apoio nº 5 proxectado que substitúe o existente da LMT SBN715A, onde se realiza a derivación ao CT particular Teáns (15PW62), condutor tipo LA-110 mm2 Al, e final no apoio nº 6 proxectado que substitúe o existente da LMT SBN715A, onde se realiza a derivación ao CT particular ITV (15PIW9).

Tramo liña de media tensión aérea SBN15A (actuación nº 2), a 15 kV, cunha lonxitude de 118 m, con orixe no apoio nº 10 proxectado que substitúe o existente da LMT SBN715A, onde se realiza a derivación ao CT particular Facet Ibérica (15PW68), condutor tipo LA-110 mm2 Al (existente), e final no apoio nº 11 existente da LMT SBN715A, onde se realiza a derivación ao CT particular Concello de Arteixo (15PJH6).

Tramo liña de media tensión aérea SBN15A (actuación nº 3), a 15 kV, cunha lonxitude de 28 m, con orixe no apoio nº 5 proxectado que substitúe o existente da LMT SBN715A, onde se realiza a derivación ao CT particular Teáns (15PW62), condutor tipo LA-56 mm2 Al (existente), e final no pórtico que forman os dous apoios de formigón que sustentan o CT particular Teáns (15PW62).

Tramo liña de media tensión aérea SBN15A (actuación nº 4), a 15 kV, cunha lonxitude de 16 m, con orixe no apoio nº 10 proxectado que substitúe o existente da LMT SBN715A, onde se realiza a derivación ao CT particular Facet Ibérica (15PW68), condutor tipo LA-56 mm2 Al, e final no apoio nº 10-B-1 da LMT SBN715A, onde se realiza o paso a subterráneo da liña que alimenta o CT particular Facet Ibérica (15PW68).

Liña de media tensión subterránea, a 15 kV, cunha lonxitude de 351 m, con orixe no apoio nº 6 proxectado que substitúe o existente da LMT SBN715A, onde se realiza a derivación ao CT particular ITV (15PIW9), condutor tipo RHZ1-2OL 12/20 kV 1×240 mm2 Al e final no apoio nº 10 proxectado que substitúe o existente da LMT SBN715A, onde se realiza a derivación ao CT particular Facet Ibérica (15PW68).

Desmontaxe do CT Iluminación Sabón (expediente 30.026).

8. No expediente consta un informe favorable dos servizos técnicos desta xefatura territorial.

De acordo con todo o indicado,

RESOLVO:

1. Conceder a autorización administrativa previa e a autorización administrativa de construción á instalación de distribución eléctrica indicada.

2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

3. Para a posta en funcionamento da instalación autorizada, deberá presentar ante esta xefatura territorial unha solicitude coa cal achegará a seguinte documentación:

• As declaracións de conformidade relativas ao material ou equipamento, e as certificacións ou homologacións, se procede.

• Un certificado do director da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.

4. Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderase interpor recurso de alzada ante o conselleiro de Economía, Emprego e Industria, no prazo dun mes contado a partir do día seguinte ao da notificación ou publicación, nos termos establecidos na Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que os interesados poidan interpor calquera outro recurso que se considere pertinente.

A Coruña, 23 de marzo de 2020

Isidoro Martínez Arca
Xefe territorial da Coruña