Para os efectos previstos no Real decreto lexislativo 1/2016, de 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro), e no artigo 36 da Lei 21/2013, do 9 de decembro, de avaliación ambiental (BOE núm. 296, do 11 de decembro), sométese a información pública, durante un período de trinta (30) días hábiles contados a partir do seguinte ao da publicación deste anuncio no Diario Oficial de Galicia, a documentación presentada por Unimiño, S.A. a fin de solicitar a autorización ambiental integrada para a planta de valorización de residuos non perigosos en Sarreaus (Ourense), co obxectivo de que calquera interesado poida consultala e, de ser o caso, formular dentro do dito prazo as alegacións, suxestións ou observacións que ache convenientes.
Non obstante o anterior, e de conformidade coa disposición adicional terceira e cuarta do Real decreto 463/2020, do 14 de marzo, polo que se declara o estado de alarma para a xestión da situación da crise sanitaria ocasionada polo COVID-19, o inicio do prazo comenzará a computarse no momento en que perda vixencia o estado de alarma declarado pola dita disposición ou as súa eventuais prórrogas.
A documentación poderá consultarse na páxina web da Consellería de Medio Ambiente, Territorio e Vivienda (https://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 24 de marzo de 2020
María Cruz Ferreira Costa
Directora xeral de Calidade Ambiental e Cambio Climático
ANEXO
Memoria resumen
Titular: Unión de Investimentos Miño, S.A. | Unimiño.
NIF: A32266264.
Domicilio social: Santa Cruz de Arrabaldo, 32990, Ourense.
Localización da instalación: lugar de Pozo dá Furadiña, 32631, Sarreaus (Ourense).
Instalación: planta de valorización de residuos non perigosos.
Epígrafe de actividade (autorización ambiental integrada): anexo I, 5.4.a).
Avaliación de impacto ambiental ordinaria: a solicitude do promotor.
Descrición da actividade:
A empresa pretende desenvolver unha planta de tratamento de residuos non perigosos que estará constituída pola nave de tratamento de xurros existente ou nave de proceso, así como a nova nave de compostaxe incluíndo a zona de mestura, a EDARi, a cinta transportadora que conecta ambas as naves, o sistema de recollida de lixiviados, e a rede de pluviais da zona da nave de compostaxe. Introdúcense tamén, neste proxecto, cambios en equipos e procesos do interior da nave de xurros, derivados da obsolescencia dos equipos ou de melloras no proceso.
Verteduras:
As medidas previstas para controlar as emisións ao medio ambiente contemplan un novo réxime de explotación da planta con ausencia de vertedura e para iso prevese a implantación dunha EDARi e balsa de pluviais así como dunha serie de recirculacións a balsa de cabeceira de xurro para garantir esta mellora ambiental.