En cumprimento do establecido no artigo 19 do Decreto 274/2003, do 4 de xuño, polo que se regula o procedemento de obtención do permiso e a concesión de actividade para os establecementos de acuicultura e auxiliares de acuicultura na zona terrestre, faise público que mediante a Resolución do 2 de marzo de 2020 se outorga permiso de actividade para a instalación dunha granxa mariña e se autoriza, con esta finalidade, a remodelación dun criadeiro preexistente no establecemento de acuicultura que se describe:
Tipo de establecemento: criadeiro e granxa mariña.
Titular do permiso de actividade: Insuíña, S.L. (B36021954).
Prazo de outorgamento: ata o 23 de xuño de 2029.
Localización: Chapela, termo municipal de Redondela, Pontevedra.
Especies autorizadas: rodaballo, linguado común, linguado de pintas, polbo, ollomol e cherna.
Santiago de Compostela, 10 de marzo de 2020
Mercedes Rodríguez Moreda
Directora xeral de Pesca, Acuicultura e Innovación Tecnolóxica