Á Xunta de Goberno, na sesión do 20 de febreiro do actual, prestou aprobación á modificación puntual SUB P-I, do Plan parcial do parque empresarial de Friol.
En cumprimento do establecido no artigo 75 da Lei 2/2016, do 10 de febreiro, do solo de Galicia, e no artigo 186 do seu regulamento (Decreto 143/2016, do 22 de setembro) sométese a información pública durante o prazo de dous meses, contados a partir do día seguinte ao da publicación de anuncio no Diario Oficial de Galicia.
O contido estará á disposición na sede electrónica do Concello de Friol
(friol.sedelectronica.gal).
Durante o dito prazo poderá examinarse por calquera persoa interesada nas dependencias municipais así como facer as alegacións que se consideren oportunas.
Transcorrido o prazo proseguirase coa tramitación exixida na normativa.
Friol, 21 de febreiro de 2020
José Ángel Santos Sánchez
Alcalde