Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 596/2019 por instancia de Bárbara Vázquez Vázquez contra a empresa Hostelería Heroica, S.L. e o Fondo de Garantía Salarial, sobre despedimento, nos cales se ditou sentenza o 10 de febreiro de 2020 que, copiada nos particulares necesarios, di así:
Resolución
Estímase a demanda formulada por Bárbara Vázquez Vázquez fronte á empresa Hostelería Heróica, S.L., con intervención do Fondo de Garantía Salarial e, en consecuencia:
Declárase improcedente o despedimento efectuado pola demandada Hostelería Heroica, S.L. á traballadora.
Condénase a Hostelería Heróica, S.L. a que no prazo de cinco días desde a notificación da sentenza opte entre a readmisión da demandante ou o aboamento dunha indemnización de 1.822,01 euros, determinando o aboamento da devandita indemnización a extinción do contrato de traballo; no caso de optar pola readmisión deberá aboar os salarios de tramitación a razón de 44,17 euros diarios.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, no momento de anunciar o recurso, ter consignado a cantidade obxecto de condena, así como o depósito de 300 euros na conta de depósito e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolas E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Hostelería Heroica, S.L. expido e asino a presente.
A Coruña, 18 de febreiro de 2020
A letrada da Administración de xustiza