Mediante a Resolución da concelleira delegada de Economía, Facenda e Recursos Humanos número 153/2020, do 29 de xaneiro de 2020, resolveuse o seguinte:
Primeiro. Resolver a convocatoria de concurso para a provisión do posto de traballo vacante no Concello de Cambre, de coordinador deportivo, convocado mediante a Resolución do concelleiro delegado da Área de Recursos Humanos, Servizos Sociais e Educación, do 27 de xullo de 2018 e número 1531/2018.
Segundo. Adxudicarlle ao funcionario José Amando Pena Vila o posto de traballo de coordinador deportivo convocado.
Terceiro. O prazo para a toma de posesión do novo destino será de tres días hábiles se o posto de traballo radica na mesma localidade, ou dun mes se radica nunha localidade distinta, contado a partir do seguinte ao do cesamento, de conformidade co establecido na base novena das que rexen a convocatoria.
O cesamento no destino actual do funcionario que obtivo o posto producirase dentro dos tres días hábiles seguintes ao da data de publicación desta resolución no Diario Oficial de Galicia.
Para todos os efectos, o prazo de posesión considerarase de servicio activo e os efectos económicos no novo destino comezarán desde a data de cesamento no de procedencia.
Cuarto. Publicar esta resolución no Diario Oficial de Galicia e na páxina web municipal.
Cambre, 7 de febreiro de 2020
O alcalde
P.D. (Resolución 1323/2019, do 1 de xullo)
María Dolores Pan Lesta
Concelleira delegada da Área de Economía, Facenda e Recursos Humanos