A Xunta de Goberno Local, o día 30 de decembro de 2019 acordou:

«Primeiro. Aprobar inicialmente o proxecto de expropiación forzosa, para a obtención de chan de sistema local viario, de dúas parcelas, situadas na rúa Antonio Insua Rivas 38 e 38D, elaborado polos técnicos municipais do Servizo de Planeamento e Xestión, que afecta as parcelas catastrais 8483815 NH4988 S0001 WI e 8483814 NH4988 S0001 HI.

O importe deste proxecto de expropiación ascende á cantidade de 10.964,89 €, existindo crédito adecuado e suficiente no orzamento de 2019 (orzamento prorrogado de 2018) con cargo á aplicación orzamentaria 30.151.600.05.16 (código de proxecto 2016 2 30 1).

Segundo. Optar polo procedemento de taxación conxunta para a tramitación do expediente.

Terceiro. Ordenar a apertura do trámite de información pública polo prazo dun mes, mediante a inserción de anuncios no Diario Oficial de Galicia e nun xornal dos de maior circulación da provincia, así como na sede electrónica municipal, para que aquelas persoas que poidan resultar interesadas formulen as observacións e reclamacións que consideren convenientes, en particular, no relativo á titularidade ou valoración dos seus respectivos dereitos.

Cuarto. Notificar as taxacións de forma individual a aquelas persoas que aparezan como titulares de bens e dereitos no expediente, mediante traslado literal das correspondentes follas de valoración e da proposta de fixación dos criterios de valoración, para que poidan formular alegacións no prazo dun mes, contado a partir da data da notificación e requirirlles que acheguen os títulos que os acrediten como propietarios/ as ou titulares doutros dereitos».

O expediente estará á disposición xeral, durante o prazo dun mes, nas dependencias do Departamento de Xestión do Solo sitas no edificio de Urbanismo, na rúa Indalecio Prieto nº 1, 2º andar, das 9.00 ás 14.00 horas e na web deste Concello www.coruna.gal, no punto da sede electrónica (información pública, taboleiro de anuncios e edictos do concello da Coruña).

A Coruña, 17 de xaneiro de 2020

A alcaldesa
P.D. (XGL do 28.7.2019 nº 124, do 3 de xullo)
Juan Manuel Díaz Villoslada
Concelleiro de Urbanismo, Vivenda, Infraestruturas e Mobilidade

ANEXO

Relación de bens e dereitos afectados

Nº parc.	Situación	Titular catastral	Referencia catastral	Superficie expropiada (m2)
1	Antonio Insua Rivas 38	José Catoira Piña (DNI 32..64..T)	8483815NH4988S0001WI	9,37
2	Antonio Insua Rivas 38D	Manuel Patiño Iglesias (DNI ..26..72C) Herdeiros de Argentina Patiño Paseiro	8483814NH4988S0001HI	14,92