Antecedentes:
Mediante a Resolución da Dirección da Axencia Galega de Infraestruturas do 1 de outubro de 2019 aprobouse provisionalmente o proxecto de construción da reurbanización da travesía de Outes, 2ª fase, de clave AC/19/037.06.
O proxecto considerado ten como obxectivo fundamental definir as actuacións e obras necesarias para a mellora da travesía de Outes, correspondente á estrada AC-550. O treito afectado, entre os pp.qq. (puntos quilométricos) 64+400 e 65+020, pertence á denominada avenida de Fisterra, do núcleo de Serra de Outes.
Trátase dun treito urbano, de titularidade autonómica, cun deficiente estado do firme da calzada, que é pola súa vez a principal comunicación do concello con toda a costa galega e atravesa o termo municipal pola costa.
As actuacións que se recollen no proxecto e que repercuten nunha mellora da seguridade viaria son as seguintes:
– Demolición dun muro de pedra antigo na marxe dereita (pp.qq. 64+800-64+960) e ampliación da calzada, o que permitirá a continuidade da beirarrúa.
– Rehabilitación do firme da calzada e renovación de beirarrúas e servizos municipais.
– Reordenación de espazos e adaptación dos itinerarios peonís ás normas de accesibilidade vixentes.
– Reforzo da iluminación dos pasos de peóns e colocación de nova iluminación pública.
– Renovación da sinalización horizontal e vertical para adaptala á nova configuración do trazado.
– Melloras nas interseccións da AC-550 coas rúas adxacentes.
Considerando todo o exposto e o establecido na normativa vixente,
RESOLVO:
Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado proxecto de construción sométese ao trámite de información pública durante un período de trinta (30) días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.
Segundo. Que simultaneamente ao trámite sinalado no parágrafo anterior e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese á información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas da Coruña (rúa Vicente Ferrer, 2, 15008 A Coruña), na Casa do Concello de Outes (rúa da Vila, 1, 15230 Serra de Outes, A Coruña).
Así mesmo, na páxina web da Consellería de Infraestruturas e Mobilidade
(https://infraestruturasemobilidade.xunta.gal/organizacion/c/CIV_Axencia_Galega_de_Infraestruturas), atópase á disposición dos interesados o documento completo do proxecto de construción.
Santiago de Compostela, 21 de xaneiro de 2020
Francisco Menéndez Iglesias
Director da Axencia Galega de Infraestruturas
ANEXO
Relación de bens, dereitos e propietarios afectados
Proxecto de construción da reurbanización da travesía de Outes, 2ª fase.
Clave AC/19/037.06.
Concello de Outes.
Núm. orde |
Ref. catastral |
Polígono |
Parcela |
Titular |
DNI |
Superficie (m2) |
Uso |
Expropiación (m2) |
Clasificación |
1 |
7629001NH0472N0001UT |
76290 |
1 |
Mª Herminia Molinos Caamaño |
***466** |
329 |
Agrario |
14,44 |
Urbano |
2 |
7530918NH0473S0001YU |
75309 |
18 |
Antonio Campos Fernández (hrdos. de) |
***618** |
204 |
Agrario |
19,30 |
Urbano |
3 |
7530917NH0473S0001BU |
75309 |
17 |
Claudino Vidal Pedrosa |
***574** |
200 |
Industrial |
29,33 |
Urbano |
4 |
7530916NH0473S0001AU |
75309 |
16 |
Descoñecido |
----- |
228 |
Agrario |
17,39 |
Urbano |
5 |
7634202NH1402S0001AB |
76342 |
2 |
Andrés Patricio Manuel del Río Fuentes |
***887** |
8866 |
Residencial |
792,79 |
Urbano |