De conformidade co previsto no artigo 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á Resolución do 13 de xaneiro de 2020, do presidente do Servizo Galego de Saúde, pola que se modifica a Resolución do 19 de agosto de 2019 pola que se lle encomenda á Axencia Galega de Infraestruturas a xestión das actuacións para a execución das obras de asfaltado de vías nos hospitais do Servizo Galego de Saúde.
– Actividade: encargarlle á Axencia Galega de Infraestruturas a xestión das actuacións para a execución das obras de asfaltado de vías nos hospitais do Servizo Galego de Saúde.
Para a realización desta encomenda de xestión, a Axencia Galega de Infraestruturas asume a posición de órgano encomendado e desenvolverá todos aqueles actos e negocios xurídicos propios da preparación, selección de contratista, adxudicación e execución de obras públicas.
– Natureza e alcance da xestión encomendada: a encarga ten natureza intersubxectiva, ao ter a Axencia Galega de Infraestruturas a consideración de medio propio e servizo técnico da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro.
– Prazo de vixencia: desde o día seguinte ao da sinatura da encomenda que se modifica ata a data de finalización do prazo de garantía das obras.
Santiago de Compostela, 13 de xaneiro de 2020
Jesús Vázquez Almuíña
Presidente do Servizo Galego de Saúde