Mediante a Resolución do 18 setembro de 2019, da Xerencia da Área Sanitaria de Pontevedra e O Salnés (DOG nº 190, do 7 de outubro), convocouse a provisión, polo sistema de libre designación, de postos de supervisión da Área Funcional.
En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG nº 204, do 25 de outubro), o xerente da Área Sanitaria de Pontevedra e O Salnés
RESOLVE:
Primeiro
1. Adxudicarlles os postos de supervisión da Área Funcional na Área Sanitaria de Pontevedra e O Salnés aos/ás aspirantes que se relacionan no anexo.
2. Declarar deserto o posto de supervisión da Área Funcional de Servizos Centrais Médicos.
Segundo
O/a aspirante seleccionado/a deberá cesar na praza que desempeñe dentro dos tres días hábiles seguintes a aquel en que se publique a resolución no Diario Oficial de Galicia.
A toma de posesión do posto de traballo adxudicado deberase efectuar dentro dos tres días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.
Se así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a condición de servizo activo e os correspondentes haberes percibiranse de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.
Terceiro
Contra esta resolución poderase interpoñer recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Pontevedra, 10 de xaneiro de 2020
José Ramón Gómez Fernández
Xerente da Área Sanitaria de Pontevedra e O Salnés
ANEXO
Adxudicación de prazas
Apelidos e nome |
Código |
Denominación praza |
Servizo/unidade |
Carballo Carballa, Roberto ***2142** |
S-A2-02 |
Supervisión Área Funcional Servizos Centrais Técnicos |
(Complexo Hospitalario Universitario Pontevedra) |
García Fernández, Ana ***2462** |
S-A2-02 |
Supervisión Área Funcional Docencia, Innovación e Calidade |
(Complexo Hospitalario Universitario Pontevedra) |
Gutiérrez Ferreira, M.ª Isabel ***1923** |
S-A2-02 |
Supervisión Área Funcional Cirúrxica |
(Complexo Hospitalario Universitario Pontevedra) |
(*) Ocúltase parcialmente o número do DNI para preservar os datos de carácter persoal, de acordo coa Lei orgánica 15/1999, do 13 de decembro.