En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta secretaría xeral acordouse depositar o acordo de modificación dos artigos 4, 6, 18, 25, 27, 36 e 38 dos estatutos do Sindicato Nacional de Ensino Privado de Galicia (SNEPdG).

– Ámbito territorial: Comunidade Autónoma de Galicia.

– Ámbito profesional: poderán afiliarse ao sindicato todos os traballadores e traballadoras de Galicia independentemente da súa situación laboral como activos/as, parados/as, xubilados/as ou pensionistas pertencentes ao ámbito do ensino privado, tal e como se recolle no artigo 4.

Asinantes: Gerardo Morano Díaz, Sara Martínez Leis e Luz García Garrido.

Santiago de Compostela, 10 de decembro de 2019

Covadonga Toca Carús
Secretaria xeral de Emprego