Intentada a notificación persoal das comunicacións do inicio do procedemento sancionador por infraccións na orde social ditadas pola xefa territorial da Consellería de Economía, Emprego e Industria de Lugo, e non sendo posible a súa práctica, por medio da presente cédula e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, procédese a efectuar estas notificacións por medio de anuncio no Boletín Oficial del Estado (BOE) ás persoas interesadas que se sinalan no anexo, co contido sinalado no artigo 46 da mesma lei, quedando supeditada a súa eficacia á súa publicación no taboleiro de edictos único (TEU) do Boletín Oficial del Estado (BOE).

Sen prexuízo do anterior, e en virtude do disposto no artigo 44 da Lei 39/2015, do 1 de outubro, do procedemento administrativo común das administracións públicas, este anuncio publícase no Diario Oficial de Galicia.

Así mesmo, fáiselles saber ás persoas interesadas que, segundo o disposto no punto 3 do artigo 37.bis do Regulamento xeral sobre procedementos para a imposición de sancións por infraccións na orde social e para os expedientes liquidatorios de cotas da Seguridade Social, aprobado polo Real decreto 928/1998, do 14 de maio, dispoñen de 15 días hábiles seguintes ao da publicación da presente cédula no Boletín Oficial del Estado (BOE), para presentar por escrito en calquera dos lugares recollidos no artigo 16 da Lei 39/2015, do 1 de outubro, do procedemento administrativo común das administracións públicas, as alegacións que consideren oportunas, documentalmente acreditadas, dirixíndoas á oficina de emprego que lle corresponda.

As persoas interesadas durante ese prazo poderán comparecer a efectos do coñecemento e constancia do texto íntegro da comunicación de inicio, ante as dependencias da oficina de emprego que corresponda, das 9.00 ás 14.00 horas, de luns a venres.

Transcorrido o devandito prazo sen presentar alegacións en tempo e forma, esta xefatura territorial ditará a correspondente resolución, que dispón dun prazo de seis meses, desde a data do acordo, para notificar a resolución pertinente.

Lugo, 18 de decembro de 2019

Pilar Fernández López
Xefa territorial de Lugo

ANEXO

Nº	Persoa interesada	Nº de expediente	Acto que se notifica	Concello
1	Germán Terenti García	18/10/2019/2.1.E	Inicio de procedemento sancionador	Barreiros
2	Leiliane da Silva	16/10/2019/2.1.E	Inicio de procedemento sancionador	Lugo
3	Mª Sonia Vilar González	08/11/2019/2.1.A	Inicio de procedemento sancionador	O Vicedo
4	Mihai Alin Bracaci	04/11/2019/2.1.E	Inicio de procedemento sancionador	Monforte de Lemos