O Pleno da Corporación, na sesion ordinaria que tivo lugar o día 19 de decembro de 2019, adoptou, entre outros, o seguinte acordo:
• Aprobar definitivamente o estudo de detalle da parcela I4a02 do parque empresarial da Sionlla (catastral 0507717NH4500F0000AG), promovido por Locales, Actividades y Exclusivas Comerciales, S.A. e asinado polo equipo técnico Entyl Ingenieros, S.L., sen modificacións respecto do inicialmente aprobado.
O acordo de aprobación definitiva publicarase no Diario Oficial de Galicia e a normativa e ordenanzas publicaranse no Boletín Oficial da provincia.
Así mesmo, remitirase á Consellería de Medio Ambiente, Territorio e Vivenda a documentación exixida polo artigo 88.3 da LSG, para os efectos de inscribir o estudo de detalle no Rexistro de Planeamento Urbanístico de Galicia.
En todo caso, e de conformidade co exixido polo artigo 199.4 do RLSG, a eficacia do acto de aprobación definitiva e a entrada en vigor do plan quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, de bases do réxime local, en relación co 65.4 da mesma lei.
Contra o acordo da aprobación definitiva do citado estudo de detalle poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.
Santiago de Compostela, 23 de decembro de 2019
O alcalde
P.D. (Decreto do 20.12.2019)
Gumersindo Guinarte Cabada
Concelleiro delegado de Presidencia, Relacións Institucionais e Turismo