De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, no Pacto sobre selección de persoal estatutario temporal do Sistema público de saúde de Galicia (DOG nº 123, do 30 de xuño de 2016) e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG nº 204, do 25 de outubro), o xerente da Área Sanitaria de Pontevedra e O Salnés

RESOLVE:

Primeiro. Anunciar a convocatoria para cubrir varios postos de persoal licenciado sanitario, facultativos especialistas de área, que se relacionan no anexo.

Segundo. As retribucións dos postos ofertados serán as que correspondan de acordo coa orde anual pola que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar nesta convocatoria presentaranse, preferentemente, no Rexistro de Entrada da Área Sanitaria de Pontevedra e O Salnés, sito na rúa Loureiro Crespo, 2, de Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles, contados a partir do día seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas nos taboleiros de anuncios da Dirección e na intranet da Área Sanitaria de Pontevedra e O Salnés, así como na páxina web do Servizo Galego de Saúde (www.sergas.es).

Pontevedra, 18 de decembro de 2019

José Ramón Gómez Fernández
Xerente da Área Sanitaria de Pontevedra e O Sálnes

ANEXO

Especialidade	Grupo	Prazas	Centro
Anestesioloxía e reanimación	A1	4 interinidades en praza vacante e 3 reservas de praza	Complexo Hospitalario Universitario Pontevedra
Cardioloxía	A1	2 interinidades en praza vacante	Complexo Hospitalario Universitario Pontevedra
Cirurxía ortopédica e traumatoloxía	A1	6 interinidades en praza vacante e 1 reserva de praza	Complexo Hospitalario Universitario Pontevedra
Cirurxía xeral e do aparello dixestivo	A1	1 interinidade en praza vacante e 1 reserva de praza	Hospital Público do Salnés
Oftalmoloxía	A1	2 interinidades en praza vacante	Complexo Hospitalario Universitario Pontevedra
Oncoloxía	A1	2 interinidades en praza vacante	Complexo Hospitalario Universitario Pontevedra
Otorrinolaringoloxía	A1	3 interinidades en praza vacante	Complexo Hospitalario Universitario Pontevedra
Pediatría	A1	3 interinidades en praza vacante	Hospital Público do Salnés