Advertidos erros na citada resolución, publicada no DOG núm. 232, do 5 de decembro de 2019, cómpre, en virtude do establecido no artigo 109.2 da Lei 39/2015, do 1 de outubro, do procedemento administrativo común das administracións públicas, corrixir os seguintes erros:

Punto 1, páxina 51913:

Onde di:

«... as parroquias de Lendo (San Xián) e Caión (Santa María do Socorro), no concello da Laracha, e a parroquia de Noicela (Santa María) no concello de Carballo, na provincia da Coruña».

Debe dicir:

«... as parroquias de Lendo (San Xián) e Caión (Santa María do Socorro), no concello da Laracha, e a parte sur da parroquia de Noicela (Santa María) segundo figura no anexo, no concello de Carballo, na provincia da Coruña».

Punto 3, páxina 51913:

Onde di:

«Consideraranse zonas tampón as parroquias limítrofes da zona infestada indicada no punto 1».

Debe dicir:

«Consideraranse zonas tampón as parroquias limítrofes da zona infestada indicada no punto 1, que son as de Monteagudo (San Tomé) e a de Sorrizo (San Pedro) no concello de Arteixo, Rebordelos (San Salvador), Vilela (San Miguel) e a parte norte da parroquia de Noicela (Santa María), segundo figura no anexo, no concello de Carballo, e Cabovilaño (San Román), Lemaio (Santa Mariña) e Torás (Santa María), no concello da Laracha».

Punto 4, páxina 51914:

Onde di:

«Os agricultores das zonas tampón definidas no punto 1.b) da Resolución do 8 de marzo de 2017 deberán comunicar, inmediatamente despois da sementeira, todas as parcelas cultivadas con pataca, segundo o modelo establecido no anexo I da Resolución do 9 de febreiro de 2017 (DOG núm. 31, do 14 de febreiro)».

Debe dicir:

«Os agricultores das zonas tampón definidas no punto 3 deberán comunicar, inmediatamente despois da sementeira, todas as parcelas cultivadas con pataca, segundo o modelo establecido no anexo I da Resolución do 19 de febreiro de 2019 (DOG núm. 46, do 6 de marzo)».

Punto 5.b), páxina 51914:

Onde di:

«Comunicar as existencias de pataca, utilizando o modelo do anexo I da Resolución do 19 de febreiro de 2019».

Debe dicir:

«Comunicar as existencias de pataca, utilizando o modelo do anexo II da Resolución do 3 de abril de 2018 (DOG núm. 67, do 6 de abril)».

Anexo, substitúese o plano polo seguinte: