Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento de execución de títulos xudiciais 83/2018 deste xulgado do social, seguido por instancia de Paula Cao Brey, Lucía Pena Torres, María Barreiro Ramos, Consuelo Rocha Romero, Sara Balado Tarrío, Azucena Mateos Cela, Andrés Rosende Rico contra a empresa Hostelería Unida, S.A., sobre ordinario, ditouse a seguinte resolución, cuxa parte dispositiva se xunta:
Parte dispositiva:
Acordo:
a) Declarar a parte executada Hostelería Unida, S.A. en situación de insolvencia por importe de 19.306,28 euros en concepto de principal, a Andrés Rosende Rico 3.256,52 euros (2.470,65 euros de cantidades debidas máis 785,87 euros de xuro por demora ao 10 %), a Lucía Pena Torres 2.743,71 euros (2.081,59 euros de cantidades debidas máis 662,12 euros de xuro por demora ao 10 %), a María Barreiro Ramos 3.210,14 euros (2.435,46 euros de cantidades debidas máis 774,68 euros de xuro por demora ao 10 %), a Consuelo Rocha Romero 1.579,34 euros (1.198,21 euros de cantidades debidas máis 381,13 euros de xuro por demora ao 10 %), a Sara Balado Tarrío 2.008,81 euros (1.524,04 euros de cantidades debidas máis 484,77 euros de xuro por demora a 10 %), a Paula Cao Brey 3.657,60 euros (2.774,94 euros de cantidades debidas máis 882,66 euros de xuro por demora ao 10 %) e a Azucena Mateos Cela 2.850,16 euros (2.162,35 euros de cantidades debidas máis 687,81 euros de xuro por demora ao 10 %), e de 1.930,63 euros en concepto provisional de xuros de demora e custas da execución, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reaperturar a execución, se a partir deste momento se coñecen novos bens do executado.
c) Procédase á súa inscrición no rexistro correspondente.
Notifíquese ás partes, facéndolles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Modo de impugnación: contra a presente resolución cabe recurso directo de revisión, que deberá interpoñerse ante quen dita a resolución no prazo de tres días hábiles seguintes á notificación desta con expresión da infracción cometida nela a xuízo do recorrente, artigo 188 da LXS. O recorrente que non teña a condición de traballador ou beneficiario de réxime público da Seguridade Social deberá facer un depósito para recorrer de 25 euros, na conta número 1596, clave 64 N, no Banesto debendo indicar no campo concepto “recurso” seguido do código “31 social-revisión de resolucións letrado da Administración de xustiza”. Se o ingreso se fai mediante transferencia bancaria deberá incluír tras a conta referida, separada por un espazo, a indicación “recurso” seguida de “31 social-revisión de resolucións letrado da Administración de xustiza”. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase, e indicar no campo de observacións a data da resolución impugnada utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
E para que sirva de notificación en legal forma a Hostelería Unida, S.A., en ignorado paradoiro, expido este edicto para a súa inserción no Diario Oficial de Galicia.
Advírtese a destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.
Santiago de Compostela, 3 de decembro de 2019
A letrada da Administración de xustiza
