Coa finalidade de dar cumprimento ao disposto no artigo 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, procédese a publicar no Diario Oficial de Galicia o encargo á empresa pública Tragsatec, Tecnología y Servicios Agrarios, S.A., S.M.E., M.P. (Tragsatec) en virtude da Resolución de 18 de decembro de 2019 da conselleira de Política Social.

– Actividade. A encomenda consiste no servizo de xestión e mantemento da Rede galega de dinamización xuvenil, dependente da Dirección Xeral de Xuventude, Participación e Voluntariado.

– Natureza e alcance da xestión encomendada. Esta encomenda ten natureza intersubxectiva, ao ter Tragsatec a consideración de medio instrumental da Administración segundo o disposto na disposición adicional vixésimo cuarta da Lei 9/2017, do 8 de novembro, de contratos do sector público, pola que se transpoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014.

– Prazo de vixencia. O prazo de execución terá unha duración de dez meses (do 1 de xaneiro ao 31 de outubro de 2020).

– Modalidade de financiamento. Esta encomenda tramítase con cargo aos orzamentos da Comunidade Autónoma de Galicia para o ano 2020, aplicación orzamentaria 13.05.313.A.227.99, de acordo co proxecto de Lei de orzamentos xerais da Comunidade Autónoma de Galicia para o ano 2020, aprobado polo Consello da Xunta de Galicia, na súa xuntanza do 17 de outubro de 2019, en que se acordou a súa remisión ao Parlamento de Galicia para a súa tramitación.

– A resolución do encargo queda sometida ao regulado na orde da Consellería de Economía e Facenda, do 11 de febreiro de 1998, sobre tramitación anticipada de expedientes de gasto, modificada polas ordes da Consellería de Economía e Facenda do 27 de novembro de 2000 e do 25 de outubro de 2001.

Santiago de Compostela, 18 de decembro de 2019

A conselleira de Política Social
P.D. (Orde do 3 de marzo de 2016)
María Francisca Gómez Santos
Secretaria xeral técnica da Consellería de Política Social