Visto o expediente para outorgamento da autorización administrativa previa e de construción da instalación eléctrica que a continuación se describe:

Solicitante: Barras Eléctricas Galaico-Asturianas, S.A.

Domicilio social: polígono empresarial As Gándaras-parcela U2-rúa Aller Ulloa, Ramón María, nº 9, 27003 Lugo.

Denominación: reforma do CT 2910 A Xesta e modificación da RBT existente.

Situación: concello de Abadín.

Características técnicas:

• Substitución no CT A Xesta 2910 existente do transformador de 160 kVA por un de 250 kVA.

• Liña subterránea de baixa tensión do CT A Xesta 2910, con orixe no cadro de baixa tensión do CT A Xesta e final nun paso aéreo a subterráneo situado no apoio 11/1600, cunha lonxitude de 40 metros en condutor tipo RV-150 e 20 metros en condutor tipo RV-2 40.

• Liña aérea de baixa tensión con orixe no paso aéreo a subterráneo situado no apoio 11/1600 e final nas RBT existentes, cunha lonxitude de 575 m en condutor tipo RZ, 180 metros en condutor RZ-150, 330 metros en condutor RZ-95, 55 metros en condutor RZ-50 e 10 metros en condutor RZ-25.

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II, do Real Decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 337/2014, do 9 de maio, polo que se aproba o regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias e na Resolución de 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 5/2017, do 19 de outubro, de fomento da implantación de iniciativas empresariais en Galicia, esta xefatura territorial, de acordo coas competencias que resultan do Decreto 135/2017, do 28 de decembro, polo que se crea e establece a estrutura orgánica da consellería, y tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:

Conceder a autorización administrativa previa e de construción ás ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada, ante o conselleiro de Economía, Emprego e Industria, no prazo dun mes a partir do día seguinte ao da notificación ou publicación desta resolución. Tamén se poderá interpor calquera outro recurso que xulgue pertinente ao seu dereito.

Lugo, 3 de decembro de 2019

Pilar Fernández López
Xefa territorial de Lugo