Para os efectos previstos no artigo 28 do Regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, de conformidade co disposto no artigo 45.1 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión que tivo lugar o 25.11.2019 na sala de xuntas da Xefatura Territorial da Consellería do Medio Rural, baixo a presidencia de María Olga Iglesias Fontal, e coa asistencia dos vogais Josefina Pereira de la Riera e Miguel Ángel Cela González, e da secretaria Lucía Belver Quiroga, ditou a resolución de clasificar como veciñal en man común o seguinte monte:
Nome: Santiago de Cangas (ampliación).
Pertenza: veciños da parroquia de Santiago de Cangas.
Parroquia: Santiago de Cangas.
Concello: Pantón.
Superficie: 3,7 hectáreas.
As parcelas obxecto de clasificación indícanse, coas súas estremas, na seguinte táboa e pódense localizar no plano que figura no anexo.
Parcela obxecto de clasificación |
Parcelas estremeiras |
|
27041A058009630000AT |
Norte |
27041A05800055 27041A05800058 27041A05800059 27041A05800060 27041A05800049 27041A05800062 27041A05800063 27041A05800072 |
Leste |
27041A05800075 27041A05800076 27041A05800074 27041A05800078 |
|
Sur |
27041A05800962 |
|
Oeste |
27041A05800056 |
|
27041A058001190000AA |
Norte |
27041A05800088 27041A05800121 27041A05800122 27041A05800123 27041A05800134 27041A05800135 27041A05800136 27041A05800137 27041A05809005 |
Leste |
27041A05809005 |
|
Sur |
27041A05809005 |
|
Oeste |
27041A05809005 |
Tendo en conta esta ampliación, o monte veciñal da comunidade de Santiago de Cangas ten unha superficie global de 123,7 hectáreas.
Contra esta resolución, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa. O anterior, en relación co precepto legal recollido no artigo 12 da Lei de montes veciñais en man común, e no artigo 28 do seu regulamento.
Lugo, 3 de decembro de 2019
María Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo