En cumprimento do disposto no artigo 30.1 da Lei 10/1995, do 23 de novembro, de ordenación do territorio de Galicia, esta dirección xeral dispón que se publique no Diario Oficial de Galicia o acordo adoptado polo Consello da Xunta de Galicia na súa reunión do 7 de novembro de 2019, cuxa parte dispositiva é o seguinte texto literal:
«Primeiro. Iniciar o procedemento de elaboración do Plan de ordenación do medio físico da parroquia de San Fiz de Asma, no concello de Chantada ao abeiro do disposto nos artigos 26 e seguintes da Lei 10/1995, do 23 de novembro, de ordenación do territorio de Galicia, co obxecto de establecer a ordenación integrada deste ámbito en razón das súas especiais características naturais baseadas na forte pendente dos vales e as inclinacións do terreo, e manter unha paisaxe que ten unha funcionalidade que se quere conservar, promover e difundir establecendo as medidas e normas de protección necesarias para a súa preservación, restauración ou mellora e a súa adecuación ás funcións e aos usos agrogandeiros, culturais e turísticos complementarios correspondentes.
Segundo. Designar a Consellería de Medio Ambiente, Territorio e Vivenda para elaborar o referido plan e dirixir o procedemento».
Santiago de Compostela, 2 de decembro de 2019
Mª Encarnación Rivas Díaz
Directora xeral de Ordenación do Territorio e Urbanismo