A Xunta de Goberno Local, en sesión extraordinaria e urxente do 22 de novembro de 2019, acordou aprobar definitivamente o expediente expropiatorio polo procedemento de taxación conxunta para efectos da obtención dos terreos afectados polo sistema xeral de espazo libre no Castro de Montesclaros, segundo o proxecto expropiatorio redactado para o efecto.
O acordo de aprobación definitiva implicará, de conformidade co artigo 118 da Lei 2/2016, do 10 de febreiro, do solo de Galicia, a declaración de urxencia da ocupación dos bens e dereitos afectados.
O contido do acordo notificarase de xeito individualizado a todos os que aparezan como titulares de bens ou dereitos que figuran no expediente, conferíndolles un prazo de vinte días durante os cales poderán manifestar por escrito a súa desconformidade coa valoración establecida no expediente aprobado.
A Laracha, 22 de novembro de 2019
José Manuel López Varela
Alcalde