Mediante a Resolución da Presidencia de Portos de Galicia do 2 de xullo de 2019 foi declarado en situación de abandono o barco de nome Luis Triñanes, con folio 4ª-VILL-3-191-91, varado no porto de Escarabote. Da embarcación, que tras o seu afundimento foi reflotada por persoal de Portos de Galicia en novembro de 2018, retirouse diverso material de traballo do barco mexilloeiro que foi trasladado á nave de almacenamento do porto da Pobra do Caramiñal, resultando precisa a súa retirada por razón de falla de espazo e entorpecemento de manobras.

En consecuencia, de conformidade co disposto nos artigos 44 e 46 da Lei 39/2015, do 1 de outubro (BOE núm. 236, do 2 de outubro), do procedemento administrativo común das administracións públicas, e por non ser posible a notificación no domicilio, notifícase a Luis Antonio Triñanes Triñanes, con DNI ***8783**, mediante a publicación no Boletín Oficial del Estado, a presente orde para que proceda nun prazo máximo de 10 días contados desde a publicación a retirar o material procedente do barco Luis Triñanes que se atopa depositado na nave de almacenamento do porto da Pobra do Caramiñal, para o que poderá poñerse en contacto co persoal de Portos de Galicia nas oficinas dese porto.

Caso de incumprimento, o persoal desta entidade procederá a retirar o material que será trasladado a vertedoiro autorizado.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

Santiago de Compostela, 12 de novembro de 2019

Roi Fernández Añón
Director de Portos de Galicia