Na sesión que tivo lugar o día 5 de novembro de 2019, o tribunal nomeado pola Orde do 30 de setembro de 2019 (DOG núm. 195, do 14 de outubro), adoptou os seguintes acordos:
Primeiro. O terceiro exercicio deste proceso selectivo correspondente ás probas de aptitude física desenvolveranse o día 24 de novembro do ano en curso no Centro Galego de Tecnificación Deportiva sito na rúa Padre Fernando Olmedo, 1, 36002 Pontevedra.
As persoas aspirantes que teñan que realizar estas probas, acudirán a elas coa roupa e calzado adecuados para o seu desenvolvemento, deberán ir provistas de DNI ou documento fidedigno acreditativo da súa entidade, e entregarán ao tribunal un informe sobre o estado de saúde en que se faga constar expresamente que a persoa aspirante reúne as condicións físicas e sanitarias para a realización dos exercicios físicos que deberá ter sido expedido dentro dos 15 días inmediatamente anteriores á data de realización destas probas. A non presentación deste documento suporá a exclusión da persoa aspirante do proceso selectivo.
As probas que se van realizar son:
– Comprobación da estatura.
– Proba de velocidade: carreira de 50 metros lisos.
Proba de potencia de tren superior (homes: flexións de brazos, mulleres: suspensión en barra).
Proba de potencia de tren inferior: salto horizontal.
Proba de resistencia xeral: carreira de 1.000 metros lisos.
Proba de natación: 25 metros estilo libre.
O chamamento comezará a partir das 9.00 horas e a través da páxina web da Agasp publicaranse as listaxes cos horarios correspondentes.
A Estrada, 5 de novembro de 2019
Alejandro Tuero González
Presidente do tribunal