Visto o expediente para outorgamento da autorización administrativa previa e de construción para a instalación eléctrica que a seguir se describe:
Solicitante: Barras Eléctricas Galaico-Asturianas, S.A.
Domicilio social: polígono empresarial As Gándaras, parcela U2, rúa Aller Ulloa, Ramón María, núm. 9, 27003 Lugo.
Denominación: reforma da LMT centrais derivación a CT 9908 Landrove Ponte.
Situación: concello de Viveiro.
Características técnicas:
– Instalación ao carón do CT Landrove Ponte (9908) dun apoio metálico tipo CH-2500E17 con función final de liña, no cal se realiza un paso aéreo a soterrado para alimentar ao dito CT.
– Alimentación ao CT Landrove Ponte (9908) con orixe no paso aéreo a soterrado e final no propio CT, cunha lonxitude de 10 metros en condutor RHZ1-150, grampado sobre fachada.
– Liña soterrada de media tensión Centrais a 20 kV con orixe nun apoio A-98563 da LMT Aérea Centrais derivación a CT 8495 Val do Naseiro e final no apoio 2A9582 da LMT Aérea Centrais derivación a CT 2011 Valdemirós, cunha lonxitude de 570 metros en conductor tipo RHZ1-240.
– Desmontaxe dun apoio metálico e de 210 metros de condutor tipo LA-30.
Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias, e na Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 5/2017, do 19 de outubro, de fomento da implantación de iniciativas empresariais en Galicia, esta xefatura territorial, de acordo coas competencias que resultan dos decretos 135/2017, do 28 de decembro, polo que se crea e establece a estrutura orgánica da consellería, y tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:
Conceder a autorización administrativa previa e de construción ás ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución poderase interpor recurso de alzada ante o conselleiro de Economía, Emprego e Industria no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que considere pertinente ao seu dereito.
Lugo, 18 de outubro de 2019
Pilar Fernández López
Xefa territorial de Lugo