A Xunta de Goberno da cidade de Santiago de Compostela, na sesión ordinaria que tivo lugar o día 21 de outubro de 2019 adoptou o seguinte acordo:
a) Aprobar inicialmente o estudo de detalle da parcela I4a02 do parque empresarial da Sionlla, segundo o proxecto presentado o 27.09.2019 por Locales Actividades y Exclusivas Comerciales, S.A., asinado polo equipo técnico Entyl Ingenieros, S.L.
A parcela sitúase na confluencia das rúas de Castela e León, Polonia e Rioxa, figurando no catastro coa referencia 0507717NH4500F0000AG.
b) En aplicación do procedemento regulado polos artigos 80.2 da LSG e 194 do seu regulamento, o estudo de detalle inicialmente aprobado someterase a información pública durante o prazo dun mes, mediante anuncios que, para o efecto, se publicarán no Diario Oficial de Galicia e nun xornal dos de maior circulación na provincia. Simultaneamente, practicarase notificación individual aos titulares catastrais das parcelas afectadas.
O que se publica co fin de que, durante o prazo dun mes, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará á disposición dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, en horario das 9.00 ás 14.00 horas; e na páxina web do Concello http://transparencia.santiagodecompostela.gal/Estudo-de-detalle-da-parcela-I4a02-do-parque-empresarial-da-Sionlla-Ref.-catastral-0507717NH4500F0000AG-/gl
Santiago de Compostela, 29 de outubro de 2019
O alcalde
P.D. (DEC/4742/2019, do 17.6.2019)
Mercedes Rosón Ferreiro
Concelleira delegada de Urbanismo, Vivenda, Cidade Histórica e Acción Cultural