O 18 de xullo de 2018 publicouse no Diario Oficial de Galicia a resolución da directora da Axencia para a Modernización Tecnolóxica de Galicia, do 9 de xullo, pola que se aproban as bases reguladoras para a concesión de subvencións, en réxime de concorrencia competitiva, para a dixitalización do patrimonio cultural de Galicia coa finalidade de preservación e difusión a través de Galiciana-Patrimonio Dixital de Galicia, e se procede á súa primeira convocatoria para os anos 2018-2019, cofinanciada co Fondo Europeo de Desenvolvemento Rexional, no marco do programa operativo Feder Galicia 2014-2020 (procedemento administrativo PR606A), modificada a través da resolución da directora da Axencia para a Modernización Tecnolóxica de Galicia (DOG nº 32, do 14 de febreiro).
Así mesmo, o 18 de xullo de 2018 publicouse no Diario Oficial de Galicia o extracto da devandita convocatoria, co identificador 407754 da Base de datos nacional de subvencións, de conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións.
O 11 de febreiro de 2019, a directora da Axencia para a Modernización Tecnolóxica de Galicia ditou resolución de concesión e denegación de subvencións, con indicación de que se notificase aos interesados.
Segundo o establecido nos artigos 13.3 das bases reguladoras aprobadas por Resolución do 9 de xuño de 2018 e 20.8.b) da Lei 38/2003, do 17 de novembro, xeral de subvencións, as subvencións concedidas serán publicadas no Diario Oficial de Galicia e tamén remitidas á Base de datos nacional de subvencións.
Faise constar que, conforme o establecido no artigo 1 da Resolución do 9 xullo de 2018, as actuacións están cofinanciadas ao 80 % polo Fondo Europeo de Desenvolvemento Rexional (Feder) no marco do programa operativo Feder Galicia 2014-2020. O ámbito de aplicación das subvencións tramitadas ao abeiro das presentes bases reguladoras enmárcase na liña de actuación 57: plan para a xestión dixital do patrimonio cultural e modernización tecnolóxica do turismo, do obxectivo específico 02.03.01: promover os servizos públicos dixitais, a alfabetización dixital, e-aprendizaxe, e-inclusión e e-saude, recollido na prioridade de investimento 02.03: reforzo das aplicacións das tecnoloxías da información e da comunicación para a Administración electrónica, a aprendizaxe electrónica, a inclusión electrónica, a cultura electrónica e a sanidade electrónica; do obxectivo temático 02: mellorar o uso e a calidade das TIC e o acceso a estas, no marco do programa operativo Feder Galicia 2014-2020, actuación 2.3.1.7: axudas para a posta en marcha do Plan para a xestión dixital do patrimonio cultural e modernización tecnolóxica do turismo-dixitalización do patrimonio cultural.
En consecuencia, resolvo que se proceda á publicación da subvención concedida, que se incorpora como anexo a esta resolución, e que se remita a información da concesión á Base de datos nacional de subvencións.
Santiago de Compostela, 1 de abril de 2019
Mar Pereira Álvarez
Directora da Axencia para a Modernización Tecnolóxica de Galicia
ANEXO
a) Norma reguladora da convocatoria: Resolución do 9 de xullo de 2018 pola que se aproban as bases reguladoras para a concesión de subvencións, en réxime de concorrencia competitiva, para a dixitalización do patrimonio cultural de Galicia coa finalidade de preservación e difusión a través de Galiciana-Patrimonio Dixital de Galicia, e se procede á súa primeira convocatoria para os anos 2018-2019, cofinanciada co Fondo Europeo de Desenvolvemento Rexional, no marco do programa operativo Feder Galicia 2014-2020 (procedemento administrativo PR606A) (DOG núm. 137, do 18 de xullo).
b) Programa: 571A.
c) Crédito orzamentario: 04.A1.571A.744.0; 04.A1.571A.745.0; 04.A1.571A.760.0; 04.A1.571A.781.0.
d) Finalidade: subvencións para a dixitalización do patrimonio cultural de Galicia coa finalidade de preservación e difusión a través de Galiciana-Patrimonio Dixital de Galicia.
e) Entidades beneficiarias e cantidades concedidas:
Expediente |
Entidade beneficiaria |
Importe |
PR606A-2018-00000014-00 |
Concello da Coruña |
56.819,48 € |
PR606A-2018-00000006-00 |
Real Academia Galega |
84.712,32 € |
PR606A-2018-00000019-00 |
Fundación Rosalía de Castro |
12.329,65 € |
PR606A-2018-00000010-00 |
Asociación Padroado do Museo do Pobo Galego |
38.928,85 € |
PR606A-2018-00000020-00 |
Concello de Marín |
47.190,00 € |
PR606A-2018-00000021-00 |
Concello de Muros |
15.264,97 € |
PR606A-2018-00000003-00 |
Universidade de Santiago de Compostela |
36.349,68 € |
PR606A-2018-00000017-00 |
Concello de Ortigueira |
15.947,93 € |
PR606A-2018-00000016-00 |
Concello de Vimianzo |
12.342,00 € |
PR606A-2018-00000024-00 |
Fundación Uxío Novoneyra |
11.865,84 € |
PR606A-2018-00000007-00 |
Concello de Betanzos |
52.920,83 € |
PR606A-2018-00000015-00 |
Fundación Vicente Risco |
78.239,50 € |
PR606A-2018-00000008-00 |
Concello de Avión |
15.815,31 € |
PR606A-2018-00000009-00 |
Fundación 10 de Marzo |
23.662,70 € |
PR606A-2018-00000005-00 |
Concello de Ribadeo |
17.772,38 € |
PR606A-2018-00000012-00 |
Concello de Pol |
41.984,46 € |
PR606A-2018-00000022-00 |
Concello de Ribeira |
17.415,17 € |
PR606A-2018-00000011-00 |
Asociación de Amigos de los Caminos de Santiago de Madrid |
13.786,30 € |
PR606A-2018-00000025-00 |
Corporación Radio e Televisión de Galicia, S.A. |
90.000,00 € |
PR606A-2018-00000002-00 |
Fundación Pedro Barrié de la Maza |
28.786,48 € |
Total |
712.133,85 € |